ការបំបាត់ក្លិនមាត់

សំណួរ: តើមូលហេតុអ្វីបណ្តាលអោយមានក្លិនមាត់មិនល្អ?

ចម្លើយ:

មានមូលហេតុច្រើនយ៉ាងបណ្តាលអោយមានក្លិនមាត់មិនល្អ ប៉ុន្តែមូលហេតុចំបងបំផុតគឺ បណ្តាលពីការកើនឡើងនៃមេរោគក្នុងមាត់។ វិធីងាយស្រួលបំផុតដើម្បីការពារ ការកើនឡើងនៃមេរោគគឺត្រូវដុសធ្មេញ និងសម្អាតអណ្តាត ទាក់អំបោះតាមចន្លោះធ្មេញ និងទៅជួបពេទ្យធ្មេញអោយបានញឹកញាប់រៀងរាល់ ៦ខែម្តង។

សំណួរ: តើខ្ញុំត្រូវធ្វើពិសោធន៏យ៉ាងដូចម្តេច ដើម្បីអោយដឹងពីក្លិនមាត់មិនល្អ?

ចម្លើយ:

មានវិធី ២-៣យ៉ាង ដើម្បីពិសោធន៏អោយដឹងពីក្លិនមាត់ ដែលអ្នកអាចធ្វើនៅផ្ទះដោយខ្លួនឯង។ អ្នកអាចអោយមិត្តភ័ក្រ្តជិតស្និទ្ធ ឬ មនុស្សជាទីស្រលាញ់ហិតក្លិនដង្ហើមអ្នក តែវិធីនេះអាចជាវិធីមិនងាយស្រួល ឬ អាចអោយយើងមានអារម្មណ៍ខ្មាស់អៀន។ លោកអ្នកអាចសាកល្បងលិឍខ្នងដៃខ្លួនឯង ទុកអោយទឹកមាត់ស្ងួត ហើយហិតក្លិន។ បើសិនលើខ្នងដៃមានក្លិនអាក្រក់ វាអាចជាសញ្ញានៃការធំក្លិនមាត់។ វិធីងាយមួយទៀតគឺ យកដុំសំឡីជូតអូសលើអណ្តាត ហើយហិតមើល បើសិនមានក្លិនអាក្រក់គឺអ្នកមានបញ្ហាក្លិនមាត់ហើយ។

សំណួរ: ខ្ញុំដុសសម្អាតធ្មេញទៀងទាត់ ហេតុអ្វីបានជាខ្ញុំនៅតែមានក្លិនមាត់មិនល្អ?

ចម្លើយ:

ក្លិនមាត់អាក្រក់រុំារ៉ៃអាចជាសញ្ញានៃជំងឺមួយចំនួនដូចជា ជំងឺអញ្ចាញធ្មេញ ទឹកនោមផ្អែម ជំងឺបំពង់ក ឬ ជំងឺសួតជាដើម។ វាអាចបណ្តាលមកពីអាការៈស្ងួតក្នុងមាត់ ឬ ការប្រើប្រាស់ថ្នាំមួយចំនួនផងដែរ។ សូមអញ្ជើញមកជួបពេទ្យធ្មេញជំនាញ ឬពេទ្យធ្មេញទូទៅ ដើម្បីពិនិត្យក្លិនមាត់ និងធ្វើរោគវិនិច្ឆ័យដោយមានវិជ្ជាជីវៈ។

សំណួរ:ថ្នាំខ្ពុលមាត់ដូចជាមិនអាចបំបាត់ក្លិនបាន តើខ្ញុំគួរប្រើអ្វីផ្សេងទៀត?

ចម្លើយ:

ថ្នាំខ្ពុលមាត់ជាច្រើនមានជាតិអាល់កុល ដែលធ្វើអោយមាត់ស្ងួតនាំអោយកើតមេរោគច្រើន និងនាំអោយមានក្លិនមាត់ដដែល។ អ្នកគួរព្យាយាមប្រើថ្នាំខ្ពុលមាត់គ្មានជាតិអាល់កុល និងដុសសម្អាតអណ្តាតផង។ អ្នកអាចរកទិញឧបករណ៏កោសសម្អាតអណ្តាតនៅតាមបណ្តាផ្សារនានា ឬមកជួបពេទ្យធ្មេញ ដើម្បីទទួលការណែនាំបន្ថែមពីវិធីបំបាត់ក្លិនមាត់។

ដើម្បីធ្វើការណាត់ជួបទន្តបណ្ឌិត សូមទំនាក់ទំនងលេខទូរសព្ទ័
069 811 338 អុីម៉ែលៈ contact@roomchang.com យើងខ្ញុំរីករាយក្នុងការឆ្លើយនូវ សំណួរ ទាំងឡាយជូនលោកអ្នកដែលទាក់ទងនឹងសេវាកម្ម និងព័ត៌មានទូទៅរបស់ មន្ទីរពេទ្យទន្តសាស្រ្ត រំចង់ 

តាមដានយើង